CORRUBEDO

Complexo dunar de Corrubedo e as lagoas de Carregal e Vixán

O espacio natural, que se encontra dominado pola imponente figura da gran duna móbil, acolle nos seus límites unha gran variedade de hábitats e de fermosas paisaxes, todo distribuído ó longo das súas case 1.000 ha de superficie.

Limita, no seu extremo norte, cun amplo cerco costeiro de praia, de aproximadamente 4 km de lonxitude, moi apreciado e visitado por veciños e turistas. Cérrano nos seus dous extremos senllos acantilados rochosos.

Cara ó interior esténdese o complexo dunar, a ampla chaira areosa e as lagoas e marismas que colmataron e cerraron de forma natural o que antigamente era unha baía, roubada ó mar.

Tralo complexo dunar encontramos unha marisma constantemente influída polas mareas e atravesada por pequenas canles e dúas lagoas, unha de auga salgada (Carregal) e outra, máis ó sur, de auga doce (Vixán).

O espacio complétase con pequenos núcleos de poboación e as súas respectivas zonas de influencia, cultivos, bosques de
piñeiro, praderías, etc.