PORTO DE MIÑO

O porto pesqueiro de Miño sitúase na desembocadura da ría de Betanzos e ocupa gran parte da súa ribeira oriental.
Durante os meses de verán aumenta considerablemente a súa poboación, debido á atracción que exerce a beleza das súas praias.
Os ríos Lambre e Vixoi, malia o seu humilde caudal e reducido percorrido, ofrecen preciosos recunchos para gozar da natureza e lanzar a cana. Sobre eles, ademais, construíu Fernán Pérez de Andrade no século XIV dúas das sete famosas pontes que facilitaban o paso de carruaxes polos seus dominios (a máis coñecida é a chamada Ponte do Porco ou Ponte Lambre).